AuDHD: Gabay sa Autism at ADHD

Ang AuDHD ay libreng gabay para sa mga magulang ng batang may autism o ADHD. Para ito sa pamilyang malayo o hindi kayang bayaran ang therapy center, pero gustong gabayan ang anak araw-araw sa bahay. Gumagana ito nang buo kahit walang internet. Hindi ito nagsasabi kung may autism o ADHD ang bata. Tulong ito sa pag-obserba sa bahay at sa pagkukwento sa doktor. Mga Gawain sa Bahay Mga larong pansensory na may timer. May paliwanag at paalala sa kaligtasan ang bawat isa bago mo simulan. Araw-araw na Gabay Visual schedule na may larawan para sa mga gawain sa maghapon. Mas madaling makasunod ang bata kapag nakikita niya kung ano ang susunod. Tala ng Ugali Itala ang nangyari bago, ang mismong ginawa ng bata, at ang nangyari pagkatapos. Sa loob ng ilang linggo, lilitaw ang paulit-ulit na sanhi. Checklist ng Pandama Alamin kung anong pandama ang hinahanap o iniiwasan ng bata. Paglaki at Pabuya Milestone checklist ayon sa edad, at sistema ng bituing pabuya. Ulat para sa Doktor Nabubuo bilang PDF ang lahat ng naitala mo, para may dala kang nakasulat kapag kumonsulta sa developmental pediatrician. Privacy Walang internet permission ang app. Walang account, walang ads, walang analytics. Ang lahat ng impormasyon ng anak mo ay nananatili lamang sa telepono mo. Maaari mo ring i-lock ang app gamit ang fingerprint. Mahalagang Paalala Ang autism at ADHD ay masusuri lamang ng lisensiyadong propesyonal. Kung may inaalala ka sa paglaki ng anak mo, kumonsulta sa doktor.