Veida

Veida er jaktkartet for laget ditt. Legg inn jaktterrenget éin gong: postar med skytesektorar, grenser, stiar, parkering og område de skal halde dykk unna. Alle i laget ser det same kartet, og det er alltid det same som gjeld — ingen papirkopiar, ingen «kva post var det du sa?». PÅ POST • Meld deg klar med eitt trykk. Jaktleiaren ser kven som står kvar. • Del posisjonen din med laget medan jakta går, og slå det av etterpå. • Naviger til posten din: jaktleiaren teiknar vegen inn, og du følgjer han punkt for punkt. • Avstandsringar rundt deg — å bedømme avstand i skogen er vanskeleg, og det er avstanden som avgjer om du skyt. DYRA • Registrer observasjonar, spor, skadeskotne dyr og fellingar der du står. • Eit skadeskote dyr varslar heile laget med ein gong. • Fellingane tel automatisk mot kvoten til laget. VÊRET • Vind og vêr per post, fire tidsrom i døgnet, to døgn fram — det er vindskiftet gjennom dagen som avgjer om posten er brukande. • Vindlaget over kartet kan skyvast to døgn fram i tid. JAKTA • Planlegg jaktdagar, del ut postar, eller trekk dei tilfeldig. • Jaktperiodar med Ja/Kanskje/Nei før jaktene blir planlagde. • Chat med laget, på jakta eller med éin. Kartet er Kartverket sitt i Noreg, OpenStreetMap elles. PERSONVERN Posisjonen din blir delt berre når du sjølv slår det på, og berre med laget ditt. Han blir ikkje lagra i databasen med mindre du slår på sporingslogg — og den loggen blir sletta to døgn etter jakta. Ei rute er den mest avslørande opplysninga ein app kan ha om ein person. Veida er gratis. Du kan prøve heile appen utan å registrere deg: det ligg eit oppdikta jaktlag inne som viser korleis alt ser ut.