Еко училница

Идеи за часови кои инспирираат- Лесна поддршка за наставниците, незаборавни часови за учениците! Eко Училница е мобилна апликација која содржи готови активности и сценарија за наставни часови за изучување на животната средина и климатските промени преку методот на искуствено учење. Доколку сте наставник, воспитувач или едукатор и работите со деца на возраст од 3- 14 години и сакате вашите часови да ги направите уште поинтересни, да истражувате и правите експерименти заедно со вашите ученици, во и надвор од училница, оваа мобилна апликација е токму она што ви е потребно. Еко училница е дизајнирана со цел да биде ваш соработник во реализацијата на наставни и воннаставни активности од областа на животната средина и климатските промени. Таа е практична алатка која има цел да го поедностави процесот на планирање, избор и реализација на активности во и надвор од училницата. Нејзината цел е да ве насочи во изборот на активности, кои ќе бидат не само едукативни, туку и забавни за вашите ученици, користејќи методологија на искуствено учење. Овој пристап ги вклучува учениците преку решавање на реални проблеми, изведување на експерименти, играње игри, тимски активности и други активности кои ги вклучуваат во практично извршување на задачите. Што добивате вие како наставник/ воспитувач/едукатор? ● Брзо и ефективно планирање на часовите - Планирајте ги вашите часови со едноставни чекори, секоја активност е детално објаснета со времетраење, потребни материјали и цели на учењето. ● Разновидни ресурси на едно место – Апликацијата ви нуди широк спектар на предлози за активности и методи, од игри и експерименти до проекти и видеа, истражување на теми и сл. ● Зголемена интеракција со учениците – Со помош на методи кои што вклучуваат игра, истражување и практично учење, учениците ќе бидат активни учесници, што ќе ја зголеми нивната мотивација и ангажман. ● Поефективна настава – Користењето на интерактивни методи и искуствено учење ќе ја направи наставата поефективна и ќе им овозможи на учениците да развиваат вештини кои ќе им бидат корисни во реалниот живот. Бенефит за учениците: Апликацијата ги насочува идните генерации кон одржлива и здрава животна средина. Служи како средство за поврзувања на теоретското знаење, практичната работа и реалните состојби во природата со цел развој на еколошката свест и раст на еколошката писменост. Достапност и едноставност – Апликацијата е дизајнирана да биде лесна за користење, со јасни и едноставни инструкции. Насоки за користење: 1. Мени „Календар“ : Во овој дел на апликацијата, можете да изберете одреден датум во календарот кој е поврзан со темата за која сакате да работите со учениците. Со кликање на датумот, апликацијата ќе ве однесе до листата со готови предлог активности специјално наменети за тој конкретен ден. 2. Мени „Започни“: Оваа опција ви овозможува да одберете активности преку избирање на клучни поими пример: возраст, тема, локација, метод. Врз основа на вашиот избор, апликацијата ќе генерира предлог активности кои се прилагодени на вашите специфични барања . Стручност: Ресурсите се подготвени од експерти кои се работат во областите на: животна средина, климатски промени и искуствено учење. Важно: Ресурсите кои произлегуваат од оваа мобилна апликација не ги прескокнува наставните програми од МОН и МТСП, туку напротив, направен е во согласност со нив и ги надополнува во целост. Moбилната апликација е изготвена да соодветствува на Наставните програми за природни науки од прво до петто одделение, согласно Националните стандарди и стандардите по предметот природни науки од прво до петто одделение, Годишниот план за работа на МОН за 2022 година, Концепцијата за воннаставни активности во основното образование, Годишната програма за работа на установите за деца кои вршат работи поврзани со згрижување и воспитување деца од предучилишна возраст, како и Програмата за рано учење и развој.