SERGAS Diabetes

SERGAS Diabetes é unha aplicación enfocada no empoderamento do paciente diabético. O obxectivo é simplificar e facilitar a autoxestión da patoloxía aumentado de forma notable as capacidades do paciente. A aplicación concentra todos os valores relevantes para o autocontrol da enfermidade nun único dispositivo, medicións de glicosa, dose de insulina, inxestas alimenticias e actividade física. Para o caso de persoas dependentes, a app conta cun perfil coidador que permite delegar a xestión da información nunha terceira persoa. As funcións máis destacables da aplicación son a seguintes — Xestión de pacientes. Xestión de múltiples pacientes introducindo os datos persoais unha única vez. — Acceso delegado. Posibilidade de delegar a xestión da app nun coidador. — Rexistro de biomedidas. Rexistrar os diferentes valores relevantes para o autocontrol da patoloxía. — Visualización dos rexistros. Visualización das biomedidas rexistradas en gráficas configurables que facilitan a compresión dos datos ao paciente. — Sincronización con dispositivos. Sincronización da app cos glicómetros que cumpren o estándar de continua para a lectura automatizada das biomedidas. — Notificacións. Envío de notificacións ao paciente en función dos parámetros e biomedidas rexistradas na app. — Integración con sistemas Sergas. Integración con diferentes sistemas Sergas tanto para ler como para envorcar información. — Integración con YPSOMED. Integración coa nube de YPSOMED para obter os valores dos pacientes que teñan un dispositivo da marca. — Integración coa app TELEA Paciente. Acceso a app TELEA Paciente dende o menú principal para os pacientes con protocolo de tele asistencia activo. — Noticias de asociacións. Acceso ás diferentes publicacións das webs de asociacións de diabéticos de Galicia. — Sitios de interese. Listaxe de lugares que poden resultar de interese ao paciente en función e a localización do mesmo. — Gamificación. Sistema de logros para incentivar o uso da app. — Dispoñible nos idiomas galego e español. Para o seu correcto funcionamento, a app require dos seguintes permisos: — Xeolocalización: A aplicación utiliza servizos de localización para poder mostrar os sitios de interese na localización que se atopa o usuario. — Bluetooth: A aplicación utiliza o bluetooth para realizar as comunicacións cos glicómetros. — Almacenamento: Requirido para ler/escribir información da aplicación no dispositivo, esta información utilízase a modo de caché de datos. — Cámara: A aplicación utiliza o permiso de cámara para ler os códigos de barras de produtos alimenticios e identificar os aparellos de medición de glicosa. — Health Connect: Requirido pola aplicación para realizar o cálculo de IMC (índice de masa corporal) calculado a partir do peso e a altura, valor crucial para o seguimento dos pacientes con diabetes.