قيد للكل: حاسبة تركس كوت نذالة

قيد للكل — حاسبة نقاط التركس والكوت والنذالة وبنت السبيت والهند والبلوت خلّ الحسبة على قيد، وانت ركّز باللعب. تطبيق واحد يسجّل نقاط ألعاب الورق في الديوانية والاستراحة والمخيم — بدون ورقة وقلم، وبدون خلاف على المجموع. كل جولة تنسجل بضغطات قليلة، والنتيجة تطلع كبيرة وواضحة للكل. الشلة وسجل الديوانية احفظ شلتك مرة وحدة، وابدأ أي لعبة بنقرة وبنفس الأسماء. سجل الديوانية يطلّع لك مين ملك الديوانية هالشهر: كم لعب كل واحد، كم فاز، ونسبة فوزه، وألقاب كل شهر مثل «ملك التركس» و«أكثر واحد أكل الشايب». شارك القيد بمسحة خلّ صاحبك يمسح كود QR، واللعبة تنتقل كاملة لجواله بدون نت ولا حسابات. وإذا ما عنده قيد، الكود يوديه للمتجر. التركس — ممالك وكومبلكس، عادي وشامي قيد التركس كامل بكل عقوده: الشايب والديمن والبنات واللطوش والتركس. نظام الممالك يمشي بالترتيب، وينتقل للمملكة الجاية تلقائياً، وتقدر تعدّل صاحب المملكة لو تلخبط الدور. تدبيل الشايب والبنات تحدده بنفسك وينحسب تلقائياً، وكومبلكس الفرق تكتب فيه رقم فريق واحد والثاني ينحسب لحاله. العب فردي أو شراكة، والتطبيق يعلن الحسم المبكر لما يصير اللحاق مستحيل. والتركس الشامي موجود بقيمه الخاصة. الكوت — كوت بو 6 قيد الكوت بضغطة: اختر الفريق الحاكم، ثم العقد — ملزوم، باب، ستة، سبعة، ثمانية، باون — ثم نجح أو خسر. النقاط تنحسب للفريقين تلقائياً، والهدف 51 أو 101، والكبوت محسوب. شريط التقدم يوضح كم باقي لكل فريق. النذالة قيد النذالة للفرق أو الفردي: الأكلات، الفوز والخسارة، وتدبيل الحكم يضاعف النقاط تلقائياً. الجولة كاملة في سطر واحد، والهدف 510. بنت السبيت تابع الخمسة لاعبين بسهولة: خسارة كل جولة، الميلس وإعلان الميلس، والكبوت بـ 25 مباشرة، ومؤشر مين متقدم ومين متأخر. اللعبة تخلص عند 501-. الهند قيد الهند لأربعة لاعبين، فردي أو أفرقه بأسماء فرقكم. اختر مين نزل ونوع النزول — تخليصة، هند، ملون، جوكري، زات، دبل جوكري، دبل ملون — والباقين «ما نزل» تلقائياً. اللي نزل بورقه تكتب قيمة ورقه، والغلط بضغطة. اختر عدد الجولات من 1 إلى 13، والأقل نقاط يفوز. وإذا تلعبونها بنقاط غير، عدّل جدول النقاط واحفظه باسمكم. البلوت — مجاني للأبد قيد البلوت لنا ولهم: اكتب نقاط الصكة والمجموع والفرق يطلعون لحالهم، والهدف 152. حاسبة البلوت مجانية بالكامل، بدون تجربة ولا شراء. كيف يشتغل؟ ١. اختر اللعبة وشلتك، أو اكتب الأسماء مرة وحدة. ٢. سجّل الجولة بضغطات — بدون نوافذ ولا حسبة. ٣. المجموع والفرق ومين متقدم يتحدثون مباشرة. ٤. غلطت؟ تراجع بضغطة. قفلت التطبيق؟ كمّل من آخر نقطة. ٥. راجع سجل كل جولة وكل لعبة سابقة متى ما تبي. ليش قيد للكل؟ • بلا إعلانات — ولا إعلان واحد وسط اللعب • بدون نت — يشتغل بالمخيم والسفر والاستراحة • بدون اشتراك — تدفع مرة وحدة وتفتح كل الألعاب للأبد • سجل كامل لكل جولة، وتراجع عن أي خطأ • كمّل اللعبة من آخر نقطة حتى لو قفلت التطبيق • أرقام كبيرة وواضحة، ووضع فاتح وداكن • قيودك ونتايجك محفوظة على جهازك — بدون حساب ولا تسجيل أسئلة سريعة • هل يحتاج إنترنت؟ لا، كل الحسبة على جهازك. • هل فيه اشتراك شهري؟ لا، شراء واحد يفتح كل الألعاب للأبد. • كم التجربة المجانية؟ يومين لعب لكل الألعاب — كل يوم تفتح فيه لعبة ينحسب يوم واحد مهما طالت الجلسة. • البلوت؟ حاسبة البلوت مجانية للأبد. • هل تجمعون بياناتي؟ نجمع إحصائيات استخدام مجهولة عشان نحسّن التطبيق، بدون أسماء ولا نتايج، وتقدر توقفها من الإعدادات. حمّل قيد للكل، وخلّ الحسبة علينا.